LEGAZPI CITY – Kapot na kan mga otoridad an lalaki na igwa nin kasong may kinaraman sa panlulugos sa banwaan kan Sto. Domingo, Albay.
Ini an 41 anyos na lalaking laborer na presenteng nakaistar sa Brgy. San Andres kan nasambitan na banwaan asin pigkokonsiderar na Rank 7 Provincial Most Wanted Person kan Albay asin Rank 4 Municipal Most Wanted Person kan kaparehong banwaan.
Nadakop ini sa kusog kan madahamiento de aresto para sa kasong qualified rape sa irarom kan Paragraph I-A kan Article 26-A na may kinaraman sa Article 266-B kan Republic Act No. 8353 na wara nin rekomendadong piyansa; asin kasong Acts of Lasciviousness sa irarom kan Section 5-B kan Republic Act No. 7610 na may piyansang PHP180,000.
Nasa kustodiya na ini kan Sto. Domingo MPS para sa magkakanigong disposisyon.