Gihatagan sa opsyon ang matag Local Government Unit sa Northern Mindanao nga makalusad sa mas taas nga oras sa pagbakuna sa nagkaduol nga pagpahigayon sa 3 ka adlaw nga “Bayanihan Bakunahan” National COVID-19 Vaccination Days nga magsugod sa Nobyembre 29 hangtod sa Disyembre 1 ning tuiga.
Gibutyag ni Department of Health Regional Office 10 Assistant Regional Director Dr. Ellenieta Gamolo nga mamahimong ipatuman sa matag LGU ang 12 ka oras nga bakunahan o 16 ka oras.
Gipasabot ni Dr. Gamolo nga ugaling pilion sa LGU nga 16 ka oras ang pagbakuna sulod sa usa ka adlaw, kinahanglan kini og duha ka team.
Katuyuan niini nga mas daghan ang makadawat sa COVID-19 vaccine nga maoy susi sa pagkab-ot sa herd immunity.
Kahibaloan nga target sa DOH-10 nga makabakuna og 748,731 ka tawo sulod sa 3 ka adlaw nga Bayanihan Bakunahan. –END- (Claudine)