Naglabas ng babala ang Department of Agriculture o DA Region 3 sa mga local farmers hinggil sa mga insektong posibleng umatake ngayong unang kwarter ng taong 2023.
Base na rin sa historical data ng DA na nararanasan sa rehiyon kada-taon.
Kabilang sa ibinabala ng ahensya ang mga field rat o dagang bukid at Brown Planthopper kung saan asahan na maaapektuhan ang lahat ng probinsya sa Central Luzon maliban sa lalawigan ng Zambales.
Maliban dito mayroon ring Rice Black Bug na maaaring umatake sa lahat ng probinsya ng rehiyon maliban sa Bataan at Bacterial Leaf Blight na maaaring tumama sa buong Central Luzon maliban sa lalawigan ng Tarlac.
Samantala, isa sa ikinababahala ng DA ang Rice Stemborer na posibleng makaapekto sa lahat ng mga sakahan sa buong Gitnang Luzon.
