Nanguna sa pharmacist licensure examination, ang graduate ng Lyceum Northwestern University sa Dagupan City.
Si Angelo Proceso Feliciano Zarate ay nakakuha ng rating na 90.70 percent, ang pinakamataas mula sa 1,168 na kumuha ng eksaminasyon ngayong buwan ng Abril.
Ayon sa Professional Regulation Commission (PRC), 674 lang mula sa 1,168 examinees ang nakapasa sa exam.
Si Zarate ay sinundan ni Anna Teresa Galian mula sa University of Santo Tomas (89.95 percent), Romvhinz Villena Hilbero ng Universidad de Zamboanga-Pagadian (89.33 percent), Janella Amiril Jalal mula sa Centro Escolar University (89.22 percent), at Cheyenne Judy Serbia Dublada mula naman sa Liceo de Cagayan University (88.75 percent).
Kasama rin sa listahan ng mga topnotcher sina Genevive Campomanes Boniao mula sa Southwestern University (88.70 percent), John Miguel Peralta Nicolas mula sa University of Santo Tomas (88.45 percent), Celine Arbolonio Altamia ng University of San Agustin (88.40 percent), Hamidah Alug Usman ng Liceo de Cagayan University (87.97 percent), at Tracy Marie Porlares Mendoza ng Universidad de Zamboanga (87.90 percent).
Samantala, nag-abiso naman ang PRC na mula May 24 hanggang May 28, 2021, ang registration para sa issuance ng Professional Identification Card (ID) at Certificate of Registration ay gagawin online, sa pamamagitan ng www.prc.gov.ph