Inirereklamo ngayon ng isang ginang ang lalaking sumakal sa kanyang menor de edad na anak sa Mulanay, Quezon nitong Martes, Abril 16.
Ayon sa report, bandang alas-9:30 ng gabi umano nang magtungo ang suspek sa bahay ng ginang at galit na inutusan ang anak na palabasin ng bahay ang kanyang ina.
Nang hindi ito lumabas, doon na pinagbuntunan ng suspek ang menor de edad at sinakal ito hanggang sa maawat ng mga kaanak ng biktima.
Sa ngayon, arestado na ang suspek at inihahanda na ang kaukulang reklamong Physical Abuse.