NAGA CITY- Malamig na panahon at nakaranas din ng pag-ulan ang Camarines Sur nitong mga nagdaang araw, nagiging masungit din ang karagatan.
Sinabi sa Brigada News FM Naga ni Weather Forecaster Mike Padua, ang Shearline ang dahilan ng malamig na panahon hanggang kahapon. Kapag lumalakas aniya ang Amihan, kasabay nito ang Shearline. Kaugnay nito, pinag-iingat ni Padua ang mga nasa coastal area lalo na ang mga mangingisda at may maliliit na sasakyang pandagat dahil sa panganib ng malalakas at malalaking alon.
Tulad ng forecast ng PAGASA wala namang nakikitang posibleng mabuong bagyo hanggang sa katapusan ng Enero.