Malinampuson nga naukab han tropa han 74th Infantry “Unbeatable” Battalion an mga tul-an ni Roberto Drio alias Boyet mahuman an duha kadekada ha Barangay Siljagon, Mapanas, Northern Samar.
Subay ha usa nga anay miyembro han grupo, nga hi Boyet nga hadto in 25-anyos in gintorture tubtob nga mamatay dida han 2004 han grupo ni Ka Doy usa nga Communist NPA terrorist leader nga nag-ooperate ha Northern Samar.
Ginkondenar naman ni Florencio Drio, tatay ni alias Boyet, an brutal nga pagpatay han CTGs ha iya anak.
Gin-admitar hini nga pira na katuig nga deri hiya namumutang matungod deri hiya nakakagsumat ha mga otoridad ha kabaraka nga bangin balikan an iya pamilya han mao nga grupo.
Samtang, nakisimpatya naman hi Major General Camilo Z. Ligayo, Commander han 8ID, ha pamilya han biktima ngan ginseguro hini nga makakab-ot an hustisya para kan alyas Boyet ngan ha tanan nga mga inosente.