Lagpot ang ulo sa motorista human sa nahitabong bangga sa Purok 1, Brgy Northern Paligue, Padada, Davao del Sur alas 9:55 niadtong mialbayng gabii.
Sa report sa Padada Municipak Police Station giila ang motorista nga si Jayven Galiste, 19-anyos taga Malalag sa maong probinsya samtang ang kabangga niini nga pick-up gimaneho ni Rodel Antipas.
Nasayran nga gikan Digos City padulong sa Gensan nga direksiyon ang padagan sa motor og mag-abot matud pa sa nahitaboan kalit mikilo kini sa pikas linya og didto nagkasugat sa padulong nga pick-up.
Sa kasusog sa bangga nawaskag ang motor lakip ang pick-up samtang natanggalan og ulo ang biktima.
Nasayran nga walay head light, OR/CR ang motor samtang ang nagmaneho walay driver’s license lakip helmet.
Gitugyan ni Antipas ang iyang kaugalingon sa kapolisan alang sa dugang imbestigasyon sa nasangpit nga disgrasya. BNFM-Davao
