Nag-courtesy call si Olympic Silver Medalist Nesthy Petecio sa labaw sa Coast Guard District South Eastern Mindanao nga nakabase dinhi sa Davao City.
Nahitabo kini kagahapong adlawa kung asa gisugat si Petty Officer Third Class (PO3) Nesthy Petecio sa mga sakop sa CGD-SEM sa pagpanguna ni District Commander Commodore Allan Corpuz sulod sa Coast Guard Headquarters sa Sasa.
Matud ni Corpuz, nga garbo sa PCG ang kadaugan ni Petecio sa Tokyo Olympics ug dakong tabang sa organisasyon ang gipakita nga pagsalig sa ilang hut-ong alang sa paghatud sa maayong serbisyo sa kadagatan sa katawhan.
Kahibaluang si Petecio ang nag-took oath niadtong Agosto 19 sa PCG National Headquarters, Port Area, Manila sa pagpangulo ni Department of Transportation (DOTr) Secretary Arthur Tugade kauban ni weightlifter Elreen Ando.
Lakip usab nga nitagbo kang Nesthy kagahapon ang iyang igsoong babaye nga nahimong emosyunal. BNFM-DAVAO
