Human sa pila ka tuig nga paghatag og kasamok sa komunidad partikular sa Paquibato District ning syudad Davao, nakadesisyon ng mosurender sa otoridad ang notoryos nga opisyal sa New People’s Army (NPA).
Giila kini nga si Ariane Jane Ochate Ramos also known as Marikit, Secretary sa Guerrilla Front 55 (GF55), Sub-Regional Committee 5, Southern Mindanao Regional Committee nga nitahan sa Joint Military Forces naglusad og Intelligence Operation sa Sitio Lamuak, Barangay Catilacan, Pikit, North Cotabato niadtong Domingo.
Sumala kang Major Alex Mindalano, spokesman sa Eastern Mindanao Command (EastMinCom), si Marikit ang responsible sa serye sa pagpangilkil ug nahitabong mga gyera kontra sa tropa sa gobyerno nga kanhi usab konektado aa League of Filipino Students ug Gabriela Youth ayha nahimong full pledge NPA member ug ranking lider.
Si Marikit usab ang asawa ni Rommel Tausan alias Rommel, kanhing Commanding Officer sa GF 55 nga napatay atol sa engkwentro tali sa 27th Infantry Battalion ug karelasyon usab karon kang Daniel Bandalan alias Regoy, kasamtangang Commanding Officer sa GF55 ug amahan sa gisabak niining bata karon.
Mga tabang pinansyal ug panginabuhian ang takdang madawat ni Alyas Marikit pinaagi sa ECLIP.
Samtang gipasalig usab ni EastMinCom chief Lieutenant General Greg T. Almerol ang kaluwasan ug seguridad sa nahisgutan ilabi nang manganakay na usab kini.
Gidayeg usab niini ang tropa sa gobyerno sa laing kalampusan nga nakab-ot nga mas makapasamot pa sa kahuyang sa pwersa sa kalaban sa gobyerno. BNFM-DAVAO
