GI RELEASE na sa local government unit sa General Santos City ang One COVID Allowance kun OCA alang sa mga barangay health workers nga dugay na nila nga ginahulat.
Apan dili ang tanan nga nalista sa City Health Office ang nakadawat.
Sumala kay Assistant City Health Officer Dr.Lalaine Calonzo nga tinuod nga dili ang tanan nila nga gilista ang nakadawat.
Ang na accredit lang sa Local Health Board Committee unya nakaagi sa mga trainings ang gi aprubahan sa taga Department of Health kon DOH.
Gidugang ni Calonzo nga adunay laing allowance nga takdang i release sa mga BHW’s ug kini ginatawag nga Health Emergency Allowance kung asa ginalauman nga ang tanan nga naka submit og daily time record nga nag trabaho kalabot sa pagbatok sa COVID-19 virus sa mga Rural Health Units ang mahatagan.
Kahibaluan nga nakadawat kanunay og mensahe ang brigada pinaagi sa textline gikan sa wala nagapaila nga concerned citizen ang text nga unta magatag na ang ilang OCA kay dugay na sila gahulat.
Nasayran nga adunay tulo ka classification sa nidawat sa One Covid Allowance kon OCA sa DOH.
Ang low risk P3,000, sa moderate risk P6,000 ug high risk P9,000 sa matag bulan unya alang sa tulo ka bulan ang ilang nadawat samtang mas dagku ang nakuha sa mga medical professionsls apan aduna usab buhis. I Ver Diazon