Nagpungko na bilang bag-o nga hepe sang Panay Municipal Police Station si Police Captain Ronald Ton-ogan bilang tal-os kay Police Lieutenant Aaron Darhyl Villanueva matapos ang ginhiwat nga Turnover of Command Ceremony kahapon nga adlaw sang Huwebes, Abril 18.
Ang Turnover of Command ang ginpangunahan ni Police Colonel Jerome Afuyog Jr., Provincial Director sang Capiz PPO kaupod si Police Major Bryant F Fallera, Chief sang PARMU.
Nahibaluan nga nagbalik sa 1st Police Mobile Force Company si Villanueva matapos ang 43 diyas nga pagpungko bilang hepe sang Panay MPS.
Sa interview sang Brigada News FM Roxas kay Police Captain Ronald Ton-ogan, iya ginpahayag nga pagatutukan sini ang iligal nga droga kag iligal gambling sa banwa sang Panay base man sa pangabay ni Mayor Vicente Bermejo.
Dugang pa sini, indi siya makapasalig nga malabawan niya ang hinimuan sang mga nagpungko nga hepe sa Panay MPS apang ginasiguro sini nga himuon niya ang iya kutob masarangan agud mahimo sang insakto kag matungdan ang resposibilidad nga ginhatag sa iya.| Frances Joy Preciosa