Napamati-an sang Gobernador pinaagi sa Provincial Administrator ang una nila sini nga reklamo sang mga empleyado sang kapitolyo probinsyal batok kay Atty. Annabelle Palic, ang Department head sang Provincial Human Resource Management Office sandig kay Progressive Alliance of Capitol Employees ukon PACE President Renelo Lastierre.
Ginpahayag ni Lastierre, nalipay sila sa nangin aksyon ni Gobernador Eugenio Jose Lacson sa pagsaylo kay Palic sa Negros First Cyber Center matapos sa petition nga ila sini nga gin-file sadtong nagligad nga tuig, apang, wala diri nagdulog ang problema gina-atubang sang mga empleyado.
Suno kay Lastierre, bangud nagapabilin man sa gihapon bilang PHRMO Head si Palic dako ang possibilidad nga magabalik ini sa daan niya nga posisyon kag bangud sini, nabutang sa katalagman nga balusan sini ang mga empleado nga nagpabutyag sang ila nga hibubun-ot, nagreklamo sang ila kahimtangan sa mga polisa sa ginapatuman sini.
Sa madumduman sadtong Martes ang PACE nag-file sang formal nga Administrative complaint batok kay Palic sa talatapan ni Governor Lacson may kaangtanan sa gin-aligar nga acts of oppression, prejudicial to public interest kag grave abuse of discretion.