CAMARINES SUR- Patay ang isang 52-anyos na padre de pamilya sa Ragay , Camarines Sur matapos na bariling ng hindi pa nakikilalang suspek.
Kinilala ang biktima na si Rodenito Camacho y Quezada AKA “Badong” na residente ng Barangay Caditaan.
Sinabi sa Brigada News FM Naga ni PMAJ Bernardo Peñero, Chief of Police ng Ragay Municipal Police Station, alas 10:30 ng gabi nang maiulat ang isidente at ala 1:20 na naireport sa kanilang himpilan.
Ayon sa asawa ng biktima na si Cherilyn Camacho, nakarinig sila ng putok ng baril. Nang tinggan sa labas , tumba na ang kaniyang asawa. Sa medical examination walong tama ang shot gun o posibleng improvised shot gun ang nakita.
Sinabi pa ng pulisya na away sa lupa ang nakikitang rason ng pamilya, mayroon na ring tinitinggang posibleng suspek sa krimen.