AMINADO ang militar na hanggang ngayon ay hindi pa nila makukumpirma kung gaano katotoo ang di-umanoy pagpanaw nina Commander Kagi Karialan kasama ang kanyang tagapagsalita na si Abu Jihad.
Sinabi ni 6th ID Spokesman Lt. Col. John Paul Baldomar na tanging sa social media lamang nila nalaman ang naturang impormasyon.
Anya, mayroong mga sinusundang proseso ang militar para makumpirma kung gaano katotoo ang ganitong mga impormasyon.
Una rito, kumalat sa social media ang pagpanaw ng dalawang mataas na pinuno ng grupo matapos maipit umano ang mga ito sa inilunsad na operasyon ng militar.