Palasyo, tumangging mag kumento sa napaulat na pagkukumpol-kumpol ng mga sasakyang pandagat ng China sa WPS

Tumangging magbigay ng kumento ang Malacañang sa napaulat na pagkukumpol-kumpol ng mga sasakyang pandagat ng China sa West Philippine Sea.

Sa isang briefing ng Palasyo, hindi tumugon si Office of the Press Secretary officer-in-charge Cheloy Garafil at ng bagong Malacañang press briefer na si Daphne Oseña-Paez sa mga tanong ng mga mamamahayag sa isyu.

Amerika, sinuportahan ang Pilipinas matapos ang pambu-bully ng Chinese vessels sa WPS

Una nang inihayag ng US Department of State ang suporta nito sa panawagan ng bansa na sumunod ang China sa international law kasunod ng naiulat na presensya ng fishing vessels nito sa West Philippine Sea.

Kinumpirma ng Armed Forces of the Philippines noong Dec. 15 na namataan ng militar ang mga barko sa Iroquois Reef at Sabina Shoal, na saklaw ng Philippines’ exclusive economic zone.//CA