Pormal na nga nagpungko bilang bag-o nga Officer in Charge sa Panay Municipal Police Station si Police Lieutenant Aaron Darhyl N Villanueva kun sa diin gintal-usan sini si Police Captain Garry Diaz.
Sa interview sang Brigada News FM Roxas kay PLt. Villanueva, iya ginpahayag nga padayunon niya ang gin-umpisahan nga trabaho ni PCpt. Diaz kasubong sang kampanya sa iligal nga droga kag ipabilin ang seguridad sa bantay-dagat.
Suno kay Villanueva, isa ka pagpanghangkat kag pressure para sa iya ang pagtal-os kay PCpt. Diaz bangud consistent ini nga Best Performing Police Station sa bug-os nga Capiz kun sa diin ini man ang iya labing una nga pagpungko bilang hepe.
Nahibaluan nagikan sa Muntinlupa City si Villanueva, naga-edad sang 24-anyos kag una nga gin-assign sa Capiz Mobile Force Company.
Ginpahayag ni Villanueva nga pagalauman sang mga pumuluyo sang Panay ang maayo nga serbisyo sang kapulisan agud mapabilin ang kalinong kag katawhay sa komunidad. | Judy Ann Juare