Gipalawman na karon sa kapolisan ang imbestigasyon kalabot sa patay’ng lawas sa usa ka lalaki nga gisulod sa sako nga napalgan sa kanal sa Purok 7 Highway Upper Puerto ning syudad sa Cagayan de Oro kagahapong adlawa.
Sa imbestigasyon gibutyag ni Police Station 6 Puerto Investigator Police Staff Sergeant Lemuel Tecson nga dunay nakita nga samad ginulgulan sa liog nga bahin sa biktima.
Nasuta sab nga dunay mga patik sa lawas sa lalaki labi na sa iyang likod nga bahin diin dunay makita nga tattoo nga BM.
Padayon karon ang pag-ila sa maong lalaki ug wala pay mi-claim sa patay’ng lawas niini.
Gisubay nasab sa mga otoridad ang pipila ka mga anggulo aron masunod ang mga personalidad nga mihimo sa maong krimen.