Opisyal nang nagsampa ng murder charges ang National Bureau of Investigation (NBI) laban kay suspended Negros Oriental 3rd District Rep. Arnolfo ‘Arnie’ Teves Jr.
Personal na nagtungo si NBI Dir. Medardo de Lemos sa Department of Justice (DOJ) para isampa ang mga murder charges laban kay Teves at sa iba pang mga suspek.
Dala-dala ng team ng NBI ang kahon-kahong mga dokumento na may kaugnayan sa mga kaso.
Sa ngayon, tumanggi na muna si de Lemos na idetalye ang nilalaman ng mga kaso.
Una nang sinabi ni Justice Secretary Boying Remulla na ilan sa mga ihahaing criminal complaints laban kay Teves ay sampung counts ng murder, multiple frustrated murder, at multiple attempted murder. // LGD edited MHEL PACIA