Nakapagtala ang Department of Health ng 128 bagong kaso ng omicron COVID-19 subvariants.
Batay sa pinakahuling biosurveillance report ng DOH kahapon, 52 ang inuri bilang BA.2.3.20, 1 kaso bilang BN.1, 10 kaso bilang BA.5, 28 bilang XBB, 13 bilang XBC, at 24 bilang iba pang omicron subvariants.
Kasama sa mga bagong kaso ng BA.5 ang 3 kaso ng BF.7 at 1 kaso ng BQ.1.
Ipinakita rin sa ulat na 1 karagdagang kaso ang inuri bilang delta na may collection date noong kalagitnaan ng December 2022.
Ito ang mga resulta ng pinakabagong sequencing run na isinagawa ng ahensiya mula January 3 hanggang January 9.//CA