Arestado han mga personahe han Pintuyan Municipal Police Station an pito nga indibidwal ha gindumara nga seaborne patrol ha kadagatan nga sakop han Pintuyan, Southern Leyte.
Ginkilala an suspek nga hira “Ronie”, 35; “Jett”, 22; “Juliven”, 30; “Roy”, 41; “Jhunrey”, 25; “Raymund”, 23; “Johny”, 29 anyos ngan pareho an mga ini residente han Brgy. Canlanipa Surigao City.
Ginpangunahan an nasabi nga operasyon ni Police Lieutenant Felipe Francisco M Gijal, Officer-In-Chrage han Pintuyan MPS.
Sumala kan PLt Gijal, pasado ala 6:00 han aga han maaresto an mga ini han mga personnel han Pintuyan MPS kaupod an Local Government Unit han Pintuyan.
Nakumpiskar ha ira posesyon ngan kontrol an tulo nga flashlight, tulo nga spear gun, tulo nga antipara goggles, tulo nga padis hin improvised flipper, 40 meters hoses, usa nga motorboat ngan duha nga motor engine nga mayda usa nga compressor.
An nasabi nga fishing gears in mayda kabug-usan nga kantidad nga P150,000 ngan 15 kilo han iba-iba nga reef fishes nga mayda market value nga P4,000.