LEGAZPI CITY – Pre-hospital care asin search and rescue an mayormenteng highlights o pokus kan US Alpha Aid segun sa Albay Provincial Safety and Emergency Management Office (APSEMO).
Sa intrevista kan Brigada News FM Legazpi kay APSEMO Research and Statistics Division Chief at EMS Supervisor, Eugene Escobar, pigsabi niya na an duwang ini, basado sa saindang nahihiling na assessment na pinaggigibo kan proyektong Alpha Aid.
Segun kay Escobar, mawot kan proyekto na magtao nin training na may kinaraman sa nasambitan na mga serbisyo nganing magamit kun may mga emerhensya sa probinsya.
Apwera kaini, mawot man na malagan nin mga bastante asin kinakaipuhan na mga kagamitan siring kan life-saving equipment orog na sa laog kan mga ambulansya sa Albay.
Dugang pa niya, dawa mapagal, pigluluway-luway ninda asin padagos an pag-iinguwa nganing an bilog na probinsya magin kapable sa lado kan pre-hospital care.