Lima ro narekord nga mga violators it Police Regional Office 6 nga nageapas sa ginpatuman nga COMELEC gun ban ag pagbawae sa pagdaea it mga deadly weapon sa bioeg nga rehiyon.
Base sa report, sambilog ro nalista sa Kabankalan, Negros Occidental nga nadakpan it 38 cal. revolver. Pangaywa sa Makato, Aklan nga nabueo-an nga may improvised 12 gauge shot gun; Pangatlo sa Nabas, Aklan nga nadakpan it bolo; Pang-apat sa Molo, Iloilo City nga nadakpan it kutsilyo; ag sa Cabatuan, Iloilo nga nabueo-an it 38 cal. revolver.
Uman nga ginpahanumduman ni PRO 6 Spokesperson Arnel Solis ro publiko nga mahugot nga ginabawae ro pagdaea it bisan ano man nga armas ag deadly weapon samtang ginaptuman ro COMELEC gun ban./JIL B. LACSON