Nagpatigayon sang press conference ang Provincial Government sa pagpanguna ni Capiz Governor Fredenil Oto Castro agud pinaagi sa media mapaabot ang imbitasyon sa pumoluyo nga makig-upod sa pagpangalipay sang Capiztahan humalin Abril 14 tubtob Mayo 1.
Kaupod ang mga opisyales sang gobierno probinsyal, Vice Governor Mitang Magbanua, mga Board Members, Vice Mayor Inday Teresa Almalbis nga nangin representante ni Mayor Ronnie Dadivas, yara man ang presensiya ni City Administrator Love Usison.
Ginpalab-ot ni Governor Castro ang pagpasalamat sa tanan nga nagasuporta sa preparasyon.
Ginpangabay man sini ang bulig kag kooperasyon sang tanan sa Capiztahan 2023 nga teaser sang mas balantayan nga selebrasyon sa 2024.
Pinasahi sa nakaandan kag memorabli ang ma-eksperyensyahan sa selebrayson subong.
Diri ipasundayag sang tanan nga banwa kag Roxas City ang Maragtas sang Capiz halin sadto tubtob sa bag-o nga sibilisasyon.
Naga-upod ang Roxas City government kag nagahatag sang suporta sa handum ni Governor Castro nga mangin biggest festival ang Capiztahan sa Pilipinas sa masunod nga mga tinuig kag dire man makita ang ONE CAPIZ, ang pag-isa sang Provincial kag City Government.