Nagpahigayon ang Provincial Internal Affairs Service PIAS PNP og Fire Arms and Live Ammunition Inspection kaganihang buntag Hunyo 6 tuig kasamtangan ngadto sa mga personahe sa Mati City Police Station.
Tinguha sa PIAS nga ma monitor ang mga kagamitan sa kapulisan labi na sa mga pusil ug mga buhing bala, ug apil na ang kahinlo sa ilang mga kagamitan.
Sa interview sa Brigada Mati ngadto kang Police Lieutenant Colonel Alvin O. Senente ang Provincial Superintendent sa Davao Oriental Police Internal Affairs Service napulo ka mga Municipal Police Station ug usa ka syudad ang naglangkob sa ilang quarterly monitoring aron ma check ang mga police personnel kung active ba sa ilang mga serbisyo ug ingun man ma-monitor ang ilang mga kagamitan kung wala ba’y gipangbaligya nga mga pusil ug bala o di kaha gipahuram sa mga barkadang civilian.
Apil usab sa ilang monitoring ang pagbutang ug PNP IAS Desk sa matag Police Station sa Davao Oriental.