GIKUMPIRMA sa labaw sa komitiba sa kahusay ug kalinaw sa Barangay Bula, General Santos City nga limitado sa mga misa ang kasaulogan sa kapyestahan sa ilang patron karong tuiga gumikan gihapon sa pandemya.
Sa paghinabi sa 89.5 Brigada NewsFM Gensan kay Kagawad Antonio Talle sumala niini nga siya ang gipa-preside sa ilang meeting nga tinambungan sa Barangay Council, sa kapulisan ug sa Joint Taskforce Gensan milabay nga semana.
Ang resulta nagpagawas og executive order ang kapitan nga si Nicanora Vargas nga ginatugot ang pagsaulog, paghanda og pagkaun ug 30 porsyento lang ang besita sa mga balay, apan gibawal ang party ug inum sa mga kalsada.
Samtang sa mga aktibidad sa Sto Niño Parish Church sa Bula wala gitugot sa labaw sa Diocese of Marbel ang inland ug fluvial procession, gibawal usab ang Sinulog Dance Competition ug ang uban pang aktibidad nga naga-aghat og panagtapok sa mga tawo.
Gidugang ni Talle nga ginabawal usab ang mga vendors nga nagapamaligya og mga pagkaun, kandila, sanina sa Sto.Niño, bulak ug uban pa atbang sa simbahan, wala usab nila gihatagan og permit ang motor show.
Samtang pa-aprubahan pa sa Kampo Liera ang security plan lakip ang traffic flow. I Ver Diazon