Sinueod it owa pa nakilaea nga manakaw ro sangka glass and aluminum shop sa may Brgy. Mabilo, Kalibo, Aklan.
Base sa post ni Joy Dela Cruz, pila sa mga gamit nga hatakaw it suspek hay barina nga bosch brand nga kulay dark green, hammer ag welding machine.
Nasayuran nga pati gasolina sa andang topdown hay ginbuoe pa it manakaw.
Nagpanawagan man raya sa mga kaeapit nanda nga lugar basi mabaligyaan ro mga raya it mga nasambit nga tinakawan nga gamit halin sa andang shop.
Samtang, naaywanan pa segun it suspek ro anang kaeo sa nasambit nga lugar. // ANN DESLENE SALAZAR