Naga kaigo nga pag-eobong sa mga namatay nga alagang baboy dahil sa ASF ru gina hinyo ni Brgy. Capt. Rafael Briones sa andang lugar.
Sa interview it BRIGADA News FM Kalibo, mas sigurado nga secure ru tanan nga mga alagang baboy kun may mag akaigo nga daeom ag eapad sa pag-eobog it mga raya agud indi eon mag tapik ru virus hatud it African Swine Fever (ASF).
Nasubu-an ag naeooy sa mga hog raisers ru ama it barangay it Barnagay Briones, Kalibo dahil gina tantiyang naga-abot eon sa 90% ru mga fattening ag naga pa orok nga baboy ru nagkaeamatay.
Naeooy man imaw sa mga hog raisers nga gina baligya ru andang mga alagang baboy sa bukon it tamang presyo.
Naghimo eon monitoring para maka angkon it record ru barangay pina ag isa andang technician ag na impormahan man eon ru Barangay Affairs ng Kalibo agud mai implementar it barangay ru naga kaigo nga proseso sa pag-eobong it mga alagang baboy.
Naga pati ru Barangay Kapitan nga sa Sitio Tabay sa Brgy. Mabilo, Kalibo naghalin ru virus sa mga alagang baboy dayon tumapik sa anda nga lugar.//MARIVIC Y. ILIN