Itinanggi ni Senator Imee Marcos na siya ang dahilan ng pagkaantala sa pag-apruba ng Senado ng Regional Comprehensive Economic Partnership o RCEP agreement.
Ayon sa senador, bago pa man naipadala ng Office of the President ang RCEP ratification package sa Senado noong Nobyembre, nagsagawa na aniya siya ng public consultation noong Setyembre upang himukin ang DA, DTI, at BOC na tumugon sa mga concerns na inihain ng sektor ng agrikultura at MSMEs.
Paniwala pa ng mambabatas, posibleng nakaapekto ang pagbabago sa Executive Secretary kaya nahuli ang pagpapasa ng RCEP subalit giit niya, mali na sisihin siya ni Zubiri sa pagkaantala ng pagpasa nito.
Dalawampung senador ang bumoto ng yes sa ratipikasyon ng RCEP noong Pebrero 21. Isa ang tutol at abstain naman ang boto ni Marcos.