Ibinunyag ng mambabatas na nananatiling hindi pa magamit ang nasa 700 COVID-19 testing machines dahil sa bureaucratic red tape.
Tinutukoy ni Anakalusugan Rep. Mike Defensor ang GeneXpert testing machines na bigay sa Department of Health (DOH) ng The Global Fund to Fight AIDS, Tuberculosis and Malaria na nakabase sa Geneva.
Ayon kay Defensor, marami nang GeneXpert units ang naka-kabit na sa TB diagnostic laboratories ng mga pampublikong ospital, na maari ring magamit sa COVID-19 testing.
Dagdag ng mambabatas na bagama’t sinabi na ng World Health Organization (WHO) na ang existing TB laboratories ay maari ring magamit bilang COVID-19 testing sites, sinasabi parin ng DOH’s Health Facilities and Services Licensing Bureau na ito ay kailangan pang isailalim sa hiwalay na licensing para sa coronavirus screening.
Mungkahi ni Defensor, dapat gamitin ng DOH ang lahat ng GeneXpert machines para matulungan na mapababa ang pressure sa tumataas na singil sa COVID-19 testing services na inaalok ng mga private laboratories. //MHEL PACIA-TRINIDAD