Ginpakamalaot sang pila ka mga netizens ang citation ticket nga sala ang spelling sang ‘No Helmet’ nga gin-isyu sang isa ka traffic auxiliary matapos nadakpan ang motorcycle driver nga wala sang helmet sa Roxas City.
Matapos ginpost ang amo nga ticket sa social media pila sa mga netizens ang ginkwestyon ang kapasidad sang mga enforcers sang Traffic Management Unit nga nagapatuman sang ordinansa kaangay nalang sang indi makahibalo sang insakto nga spelling sang violation.
Nagpabutyag naman sang pagkadismaya pinaagi sa iya facebook post si Mr. Melvin Galagate, head sang Roxas City Communication Group (RCCG) sa mga nangin kumento sang netizens nga kasubong nga ginhimo ‘joke’ ang mga traffic enforces.
Suno kay Galagate, nagapatuman lamang sang ordinansa ang mga traffic auxiliary sa siyudad kag tani maintindihan sang tanan nga kadam-an sa ila wala nakatapos sa kolehiyo ukon indi degree holder.
Madamo naman sang mga netizens ang nagdepensa kag nagpabutyag sang suporta sa mga auxiliary nga matood wrong spelling ang enforcer apang mabudlay intindihon ang mga tawo nga wala nagasunod sa layi apisar nakabalo sila nga sala.
| KMD Gicalde