Patay ang usa ka striker homan nga naigo sa gidulaan nga armas sa usa ka pulis sa Pedringuez Residence, Purok-6, Brgy. Halapitan, San Fernando, Bukidnon.
Naila ang biktima nga si Zyro Zandro Linaza, 18-anyos, ulitawo, estudyante nga taga Purok-4, Brgy. Palacpacan, San Fernando, Bukidnon
Samtang naila ang suspek nga si Police Master Sergeant Faith Lauron Panduma, miyembro sa Philippine National Police ug nadestino sa San Fernando Municipal Police Station.
Sa imbestigasyon, gibutyag ni Bukidnon Police Provincial Office-Internal Affairs Service Provincial Superintendent Police Lt. Colonel Henry Cay-as nga atol sa gihimo nila nga ocular inspection sa lugar kung asa nahitabo ang aksidente, nasuta nga nangag-inom niadtong tungura ang biktima ug ang suspek kauban ang tulo pa ka sibilyan.
Nakahurot matud pa ang maong grupo sa duha ka botelya sa ilimnong makahubog, diin atol sa pagdula-dula sa suspek sa iyang 9mm caliber pistol aksidente kini nga mibuto ug mi-igo sa dughan sa biktima nga maoy hinungdan sa kamatayon niini.
Homan sa aksidente, mitahan gilayon ang suspek sa buhatan sa kapolisan ug mi-angkon nga siya ang aksidenteng nakapusil sa biktima.
Gawas sa gihikay nga kasong administrastibong batok sa suspek nga pulis, mag-atubang sab kini og kasong kriminal ug posibli nga mapasaka kaniya ang reckless imprudence resulting to homicide.