Gatosan ka mga magtutudlo sa dakbayan sa Butuan ang nibakwi na sa ilang suporta ngadto sa grupong Alliance of Concerned Teachers (ACT).
Mismo si Rey Collado, ang District Supervisor sa South West District sa DepEd Butuan City Division ug nagsilbing ACT Chairman sa siyudad maoy nanguna sa pagbakwi sa suporta sa maong grupo.
Sumala ni Major Francisco Garello, Jr., ang CMO Officer sa 402nd Brigade Philippine Army, gibakwi matod pa ni Collado ang suporta sa maong grupo sanglit di kini buot nga molambigit sa grupo nga mo kontra sa goberno.
Way kahadlok matod pang gibulgar ni Collado nga konektado sa Communist Party of the Philippines – New People’s Army – National Democratic Front (CPP-NPA-NDF) ang grupong nasudlan butang nga iyang gikondina ug gitalikdan.
Dali usab nga nakakuha’g suporta ang lakang gihimo ni Collado gikan sa mga kaubanang magtutudlo hinungdan nga niabot sa 604 ka mga magtutudlo sa dakbayan sa Butuan ang nibakwi sa ilang suporta ug nikondina sa maong grupo.
402nd IB PA