Sangka Rusco Suzuki, ro aksidenteng nabungguan ro naka-park nga pick-up sa hi-way sa Brgy. Laguinbanua East, Numancia ku rayang pasado alas-2 it hapon.
Nasayuran nga may sakay nga unga nga pasyente ro nasambit rusco ag pauli eon kunta raya sa Balete kat aksidente nanda nga mabangga ro pick-up.
Sangka babaye man ro naninahan matapos mahueog sa ginasakyan kara nga Rusco.
Nag-angkon ro nasambit nga babaye it nina sa anang ueo nga insigida man nga gindaea sa ospital.
Samtang, nasamad ro prente it nasambit nga rusco bangud sa aksidente.
Sa makarun hay padayun ro imbestigasyun it mga otoridad sa natabo.
Sa natipon nga impormasyon it Brigada News FM Kalibo, ro Rusco hay barangay patrol it Calizo Balete. / ANN DESLENE SALAZAR