NAGPAABOT og patimbaya ang pipila ka tigpaminaw sa 89.5 Brigada News FM Gensan human nga nakuha sa estasyon ang dominant overall number 1 ranking sa pinakaulahing AC Nielsen survey sa 4th quarter sa tuig 2021.
Sumala kay Helen Ampan gikan sa Putok Balunto, Brgy. Labangal nalipay ug nagapasalamat siya kay nahimo nga number 1 ang Brigada New FM GenSan.
Nanghinaut kini nga magpadayon ang serbisyo sa estasyon sa umaabot pa nga katuigan.
Nagpaabot usab og paitmbaya ang Assistant City Treasurer nga si Zenaida Eturma, sumala niini nga gusto niya itimbaya ang Brigada ug ipadayon lang ang maayong buhat, ang nindot nga musika ug napanahon nga mga balita.
Nagpaabot usab og patimbaya ang kanhi labaw sa City Social Welfare and Development Office kon CSWDO nga si Rebecca Magante, sumala niini nga nagapaabot siya sa iyang patimbaya gumikan sa taas nga rating sa Brigada Gensan, giawhag niini ang katawhan nga ipadayon ang pagpaminaw sa bantugan nga estasyon.
Kahibaluan nga sa AC Nielsen survey nakuha sa 89.5 Brigada Gensan ang dominant overall number one ranking gumikan sa 3.64 nga rating tumbas sa 56.15 percent nga audience share og halos katunga ang deperensya sa nagsunod nga estasyon.