Pakusgan karon sa probinsya sa Davao Occidental ang kampanya batok illigal treasure hunting.
Kini human ngiangkon ni Gov. Claudie Bautista nga ubay-ubay na ka mga grupo sa treasure hunters ang ilang nababagan human nisulay sa pagsulod sa ilang lalawigan.
Gisaysay sa opisyal atol sa intervew sa mga media sa miaging Sabado, usa ka Desiderio Palmera nga nanag-iya og luna ang nagpakitabang human gikawkaw sa mga treasure hunters ang iyang yutra nga gipanag-iyahan.
Gipasabot sa opisyal nga hugot gibawal ang pagpahigayon og treasure hunting sa bisan asang bahin sa ilang probinsya bisan dunay gihuptang ‘treasure hunting permit’ nga pinirmahan sa taga National Museum.
Kinahanglan matud pa maundang ang iligal nga treasure hunting ilabi na sa sa Barangay Kalbay, sa lungsod sa Jose Abad Santos (JAS).
Una niini, gibutyag ni JAS Mayor Jason John Joyce nga anaa sa 224 ka mga treasure hunters ang ilang naharang human boot nilang musulod aron magpahigayon og treasure hunting. Mao usab kini ang rason nga gisugdan dayon sa lungsod sa JAS ang pagpatuman sa Uniformed Border Control aron makontrola ang pagsulod sa mga tawo nga dunay laing tinguha sa pagsulod sa lungsod ug sa ilang probinsya.