Gipasakahan na og kaso ang tricycle driver human nga nagmaoy sa Satellite Office sa City transport and Traffic Management Satellite Office(CTTMO) nga nahimutang sa Davao Bukidnon road, San Francisco St., Brgy Mintal Tugbok Dist., ning syudad sa Davao.
Sa imbestigasyon sa kapulisan, alas-4:50 sa hapon sa milabay nga adlaw, misumbong ang usa ka concern citizen sa gihimo sa suspek nga nailang si Emerson Alaton Aductante, ulitawo, nga taga- Phase 7, Blk 106, Lot 46, Brgy Tugbok Proper, Tugbok Dist.
Nagmaoy ang maong suspek ug gitigbas niini ang bintana sa CTTMO Satellite Office gamit ang sundang.
Nakaangkon kini og samad sa kaugalingon gumikan sa iyang pag-wild, maayo na lang nga ang miresponde nga opisyal nakahimo sa paghupay sa sitwasyon aron malikayan ang bisan unsang kadaot ug ang gitumbok nga suspek gidali sa pagdala sa Holy Spirit hospital alang sa dinalian nga medikal nga pagtagad.
Kasamtangan, balhug na sa prisohan samtang napasaka na ang kasong Alarms and scandal , Malicious mischief ug Omnibus Election Code of the Philippines batok sa tricycle driver.BNFM-DAVAO