Ginkasuhan eon it frustrated homicide ro daywa ka suspek sa pagpamuno sa Brgy. Unidos, Nabas, Aklan.
Ginkilaea ro mga suspek nga sanday Jerold Guantia Berondo, 27 anyos ag Kier Pioquinto Berondo, 25 anyos ag parehung residente it Brgy. Unidos, Nabas, Aklan.
Samtang ro biktima nga andang ginbuno hay ginkilaea kay Edgar Mark Alvarez 29yo ag residente it Brgy. Gibon, Nabas.
Matandaan nga pauli eon ro biktima ag mga kaibahan kara halin sa sangka baylehan sa Brgy. Unidos kat makita ro mga suspek kung siin, kat may nag agi nga sangka motorsiklo hay nagsinggit segun ro suspek nga si Kier nga “bangga-e”.
Ginsabat man segun raya it biktima nga “di bangga-e”.
Dikara ag naggabot it kutsilyo ro suspek nga si Jerold ag ginbuno ro biktima.
Nakadaeagan pa ro biktima pero gin-eagas gihapon raya it mga suspek ag ginbuno.
Samtang, owa nakapiyansa ro daywa ka suspek nga may balor nga P72,000 kada sambilog kanda rasun nga nakakulong gihapon sanda makarun sa Nabas MPS. / ANN DESLENE SALAZAR