Aksidenting bumangga sa likod nga parte it truck ru sangka private nga van sa national highway it Brgy. Cabangila, Altavas, Aklan.
Sa imbistigasyon, sangka 40 anyos ru driver it van nga naghinyo nga indi eon hingadlan ru pangaean nga taga-Banate, Iloilo.
Naka angkon it lastro sa dughan ag siki ru driver it van nga eagi apang uwa man eon nagpadaea sa hospital sa mga rumesponding katapo it MDRRMO-Altavas.
Yupi ru prente it van nga sa makaron hay naka custody sa Altavas MPS.
Samtang, naka taeana ru settlement sa kada panig sa tunga it driver it van ag truck sa Altavas MPS.//MARIVIC Y. ILIN