Opisyal nang nagbitiw si Vice President at Education Secretary Sara Duterte bilang miyembro ng partidong Lakas-CMD.
Sa inilabas na pahayag ng pangalawang pangulo, nagpasalamat ito sa ipinakitang suporta sa kanya ng mga party members ng naturang partido.
Wala na umanong mas mahalaga sa ngayon kundi ang makabuluhang pagsisilbi niya sa mga Pilipino at sa Pilipinas, sa pamumuno ni Pangulong Bongbong Marcos.
Binigyan diin ni VP Sara na nasa posisyon siya ngayon dahil sa tiwala ng taumbayan at hindi umano ito malalason ng ‘political toxicity’ at masalimuot na ‘political powerplay’.
Nanawagan naman ito sa lahat ng mga lider na pagtuonan ng pansin ang trabaho at mag-iwan ng legasiya ng isang malakas at matatag na lipunan. //LGD edited MHEL PACIA