MALAY, AKLAN—Waeong pulis sa Community Precinct (PCP) 4 sa Brgy. Caticlan, Malay, Aklan do nagpositibo sa coronavirus disease 2019 (COVID-19).
Do nasambit nga mga nag-positibo hay kaeakip sa 43 high risk contact nga ginpaidaeom sa swab test ku nagtaliwan nga Domingo matapos nga makahalubilo do sangka personnel it nasambit nga presinto nga nauna eon nga nag-positibo sa virus.
Nasayuran, sambilog nga personnel it PCP 4 do nag-uli sa Iloilo para nga mag-asikaso it pilang dokumento sa Police Regional Office (PRO) 6 kung siin nakaangkon raya it close contact sa ana nga misis nga nagatrabaho sa headquarters nga positibo sa nasambit nga masakit.
Angot kara, nagapabilin sa gihapon nga naka-lockdown do PCP 4 samtang do mga personnel na negatibo sa andang RT-PCR test hay gin-abisuhang tapuson do andang quarantine period bilang pagsunod sa protocol it Department of Health (DOH). // SHERRY ANNE REUNIR-VIDAL