Wanted person nga limang dag-on nga nagpanago sa mga otoridad, arestado

Arestado ro sangka wanted person matapos ro limang dag-on nga pagpanago kara sa mga otoridad.  

Ginkilaea ro inarestong si Jonnel Pelayo 48yo ag residente it Brgy. Aparicio, Ibajay, Aklan ag nagapangatubang sa kasong Rape ag Acts of Lasciviousness.

Naaresto si Pelayo sa nasambit nga lugar it gintingob nga pwersa it Ibajay PNP, 2^nd Aklan Mobile company ag Mindoro Provincial Police Office.

Ginserbi kana it mga otoridad ro warrant of arrest nga may petsang August 22, 2016 nga gin-isyu ni Hon. Ulysses Delgado, Executive Presiding Judge 4^th Judicial Region RTC Branch 44 Mamburao Occidental Mindoro.

Nagtaeana man it piyansa ro korte it P180,000 para sa kaso karang Acts of Lasciviousness pero owa man it piyansa para sa kaso kara nga rape.

Sa makarun hay sa kustodiya it Ibajay PNP ro arestado. / ANN DESLENE SALAZAR