DEAD on the spot ang driver sa E-bike human sa nahitabong karambola sa 4 ka mga sakyanan sa may R. Castillo Road, Agdao ning syudad ala-1:55 kagahapon sa hapon, Ontubre 9, 2023.
Ang biktima nailang si Eduardo S. Zagado, legal ang pangidaron ug residente sa Ipil Beach, Brgy Duterte Davao City.
Sa inisyal nga imbestigasyon sa Sta. Ana Police Station, ang upat ka mga sakyanan nga gilangkuban sa PUJ nga gimaneho ni Lolito Mandalores Maglacon Jr., nga taga-Buhisan, Tibungco, motorsiklo nga gimaneho ni Almorah Bai Tiin Ayunan, nga taga- Kalamgan Cotabato City, motorsiklo nga dunay sidecar nga gimaneho ni Charlito Blasabas Ong, ug resident sa Purok san Juan Canhaway Guindulman Bohol u gang nagmaneho sa e-bike nga wala na natabang pa sa mga doktor nga si Zadago.
Gisubay sa mga nahisgutan ang R castillo Road nga naggikan sa Agdao flyover ug padulong sa Jerome Ext., apan pag abot sa lugar diin nahitabo ang insedente, nabanggan sa PUJ ang lubot nga bahin sa ebike ug tungod sa impact nagkabangganay ang nagsunod pa nga mga sakyanan.
Nalagpot ang driver sa e-bike diin miabot sa 220 ft ang gitas-on sa iyang gikalagpotan hinungdan sa iyang hinanaling kamatayon.
Samtang ang driver sa motorsiklo ug ang sakay sa tricycle nga siyam ka bulan nga masuso u gang ianhan nga si Maria Theresa Nodalo Mendoza nga taga- NHA Holy Cross Drive, Agdao Davao City nakaangkon og minor injuries.
Kasamtangan, gidala sa Rivera funeral homes ang patay’ng lawas ni Zadago ug padayon nga gitambalan ang mga nasamdan. Samtang ang driver sa PUJ ang gikustodiya na sa Sta. Ana Police Station