Nakadawat og award siPrivate First Class Junnel M Perdido, sa 10th Installation and Management Battalion (10IMB), kini gumikan sa walay kahadlok nga mi-himo sa iyang trabaho.
Si Perdido nakadawat og Bronze Cross Medal atol sa Flag Raising Ceremony kagahapong adlawa, Oktubre 9 sa Camp General Manuel T. Yan Senior sa Mawab, Davao De Oro.
Malampuson nga nakuha ni PFC Perdido gikan sa snatcher ang pitaka ni Mrs. Lorife Ulep, nga giundan og P30,000.00 nga pambayad pa sa ospital diin naka-confined ang iyag anak nga babae sa Aquino Hospital, Tagum City, niadtong milabay’ng Setyembre 28.
Mismong si Brigadier General Allan D Hambala, Acting Commander sa 10th Infantry (Agila) Division, ang nag- pinned sa medal kang PFC Perdido ug gidayeg ang iyang pagkabayani ug dedikasyon sa katungdanan.
Si PFC Perdido, miyembro sa Morale and Welfare Recovery Center sa 10IMB ilalom sa Operational Control sa 10ID.
Ug adtong tungara, anaa siya sa ospital kauban ang iyang buntis nga asawa ug iyang anak alang sa medical check-up samtang naka-leave.