Gipahinumduman nang daan sa lokal nga pangamhanan ning syudad sa Davao ang mga Dabawenyo nga mobisita og sayo sa mga sementeryo.
Kini human gibutyag ni Davao City Mayor Sara Duterte-Carpio nga sirad-an na sugod Oktubre 24 hangtud Nobyembre 7, 2021 ang mga sam-ang dinhi sa syudad
Rason niini aron dili mag-abot ang mga kabanay ngamagresulta sa panagtapok sa sulod sa pampubliko ug pribadong sementeryo, memorial praks, ug columbariums.
Hinoon tugutan ang mga dunay naka-schedule ilubong niana nga mga adlaw apan kadto lamang myembro sa pamilya ang makasalmot inubanan sa saktong pagsunod sa public health standard.
Gawas niini, gitugutan usab ang mga grupo nga dunay isaulog nga birthday/death aniiversary sa mga mitaliwan nga natunong sa gitakda nga petsa sa pagsirado.
Sa karon gimanduan ang kapulisan nga magmuntar og mga abiso sama sa tarpaulins nga nagpahibalo sa temporary closure.BNFM-DAVAO
