Arestado ro daywang street-level drug personality sa sambilog ka anti-drug operation sa Kalibo, Aklan.
Ro mga drug suspect hay mga residente it Roxas City, Capiz.
Ginhiwat ro drug buybust opetation it gintingob nga pwersa it Aklan Provincial Drug Enforcement Unit (PDEU) ag Kalibo municipal police station sa sambilog ka lodging house sa kahabaan it C. Laserna Street, Poblacion. Kalibo, Aklan.
Ginkilaea ro mga suspek nga kanday John Michael Piedad, 22-anyos it Legaspi Street, Roxas City, ag ro kaibahan nana nga si Rodbelle Dasas, 29-anyos, tricycle driver it Barangay Lawa-an, Roxas City.
Sambilog ka poseur buyer ro nag-abot it P3,000 buy-bust money kay Piedad kabaylo it sambilog ka heat-sealed sachet it shabu.
Ginhambae ni Aklan PDEU chief Lt. Col. Frenzy Andrade nga naga-pot session ro mga suspek kat nagsuoed ro mga operatiba sa lugar.
Temporaryo nga nakapreso sa Kalibo municipal police station lock-up facility ro mga suspek ag nagapangatubang sa kasong pageapas sa Comprehensive Dangerous Drugs Act of 2002./JIL B. LACSON