CAMARINES NORTE – Isang 32-anyos na babaeng tulak ng iligal na droga ang nasakote ng mga otoridad sa ikinasang buy-bust operation sa isang hotel sa Purok-1, Barangay Magang, Daet, Camarines Norte.
Ang nabanggit na suspek ay kinilalang si alias “NING”, 32 anyos, isang minero, at residente ng Purok-1, Barangay Tugos, Paracale, Camarines Norte na Newly Identified on Illegal Drugs ng CNPPO
Nakuha sa nasabing operasyon ang mga iligal na droga na tinatayang umaabot sa timbang na 5 gramo na may katumbas na halagang humigit kumulang Php34,000.00.
Ang nabanggit na personahe ay nasa kustodiya ng Daet MPS habang inihahanda ang kasong Paglabag sa Section 5 at 11 ng Article II ng RA 9165 laban sa kanya.
