BAKUNADO na ang halos tanang pulis sa rehiyon-12 dungan sa padayong Covid-19 vaccination rollout. Mokabat na sa 99.9% o 7,969 ang bakunado nga pulis sa Police Regional Office (PRO) 12 gikan sa kinatibuk-ang 8,006 personahe.
Matud ni PLt.Col Maria Joyce Birrey, tigpamaba sa PRO-12 naa na lang sa walo ka pulis ang wala pa nabakunahan. Apan naka-schedule nag mga nahisgotan nga magpabakuna sa Regional Health Service (RHS) 12.
Pipila sa rason wala pa nabakunahan mao ang medical conditions ug uban pang sirkumstansiya base sa pamahayag ni Lt.Col Birrey. Samtang walo na lang ang aktibong kaso sa Covid-19 sa kapulisan gikan kini sa kinatibuk-ang 813 confirmed cases ug nakatala og unom ka virus related death gikan Marso 2020.
Una nang, gimanduan ang kapulisan nga estriktong sundon ang health protocols sama sa pagsuot og face mask, face shield ug pag-obserba sa physical distancing. Regular usab ang pagpahigayon og regular testing sa mga personahe sa partikular na ang nadestino sa vulnerable areas. ( Richel Gubalani)