NAKIGKITA ang AFP Joint Task Force Mindanao ngadto kang Misamis Occidental Gobernor Philip Tan niadtong miaging adlaw niining tuiga 2021 sa dakbayan sa Tangub.
Gipangunahan kini ni AFP Joint Taskforce Commander Lt. General Jose Faustino Jr. kauban sila si Lt. General Corleto Vinluan Jr., ang bag-ong Western Mindanao Commander ug First Infantry Tabak Division(1ID) Commander, Major General Generoso Ponio, ug 10th Infantry Battalion Commander, Lt. Colonel Ray Tiongson.
Gihisgutan sa maong panagkita ang mahitungod sa kasamtangan nga kahimtang sa kahusay ug kalinaw sa lalawigan, nga mao usab ang usa sa mga tumong sa bag-ong gimugna nga AFP Joint Task Force Mindanao.
Niining bahina gipaniguro usab ni Gov. Tan ang suporta sa mga lakang sa JTF Mindanao, alang usab sa malahutayong kalinaw sa lalawigan ilabina nga usa sa prioridad sa iyang administration ang usa ka safe and secured Misamis Occidental.
Pormal usab nga gi turn-over sa maong mga opisyal ang mga supply sa Safety Goggles, Antibacterial Bath Soap ug mga Elastic Bandages nga gihatag alang sa Probinsya gikan Childrens International usa ka NGO, aron magamit usab sa mga kasundaluhan nga ania dinhi sa lalawigan sa Misamis Occidental._BNFM Oroquieta