KALIBO, AKLAN—Na-rescue it Philippine Coast Guard (PCG) sub-station Caluya ag it Municipal Disaster Risk Reduction Management Office (MDRRMO) do an-om nga mga crew it sangka fishing vessel matapos nag-eogdang sa kaeawuran nga sakop it Panagatan Island sa Caluya, Antique ku nagtaliwan nga adlaw it Lunes.
Do mga nasalbar hay ginkilaea kanday Martin Ompad, 33; Sander Ompad, 21; Ricky Damosmoy, 47; Jeepay Bulado, 34; Jayson Delos Reyes, 33 ag Nestor Monino, 56 anyos tanan residente it Brgy Navotas, Balayan, Batangas.
Suno kay Antique Philippine Coast Guard Deputy Station Commander Alan Mandado sakay it MBCA ‘JMG’ do mga crew kat hampakon it baeod do andang ginasakyan nga bangka dahilan agud nga masamad do katig at mag-eogdang.
Nasayuran nga halin sa Barangay Balayan, Batangas ku Hulyo 25 do mga raya sakay it bangka paadto kunta sa Western Palawan agud nga magpangisda kat matabo do insidente.
Sa pihak nga parte, matapos masalbar hay gindaea do mga raya sa Municipal Health Unit it Caluya agud nga mataw-an it atensyong medical samtang do sambilog pa nandang kaibahan nga ginasgid nag-eompat maghalin sa sakayang pandagat hay padayon pa nga ginausoy pinaghahanap. // SHERRY ANNE REUNIR-VIDAL